მეეზოვე ნიკო

დასუფთავება

"ჩვენ, საქართველოს მოქალაქენი" - ასე იწყება საქართველოს კონსტიტუცია, რომელიც უამრავ უფლებასა და მოვალეობას გვისაზღვრავს რესპუბლიკურ წყობაში: სამართლებრივს, მორალურს. თუმცა განა როდია ეს საკმარისი, ყველას მეტი მოგვეთხოვება ვიდრე კანონში სწერია. შეგნება - შეგნება იმისა, რომ რამდენად საჭიროა მოვუფრთხილდეთ ერთმანეთს, საკუთარ თავს და გარემოს, სადაც ჩვენ, საქართველოს მოქალაქენი, ერთად ვცხოვრობთ. ყველას გვაცვია ლამაზად, რადგან სამოსი პირველია რაც წარმოგვაჩენს. ქვეყანაც ასეა, ჩვენი ქუჩები წარმოგვაჩენს თუ როგორები ვართ, როგორ ვუფრთხილდებით გარემოს, ის ჩვენზე ბევრს ამბობს. მე ნიკო პაპა ვარ, მეეზოვე, 60 წელია რაც თბილისის ქუჩებს ვგვი, უკვე ასაკში ვარ, ვეღარ მოძრაობს ჩემი ხელები და ფეხები ისე როგორც ადრე. მინდა, რომ შემომიერთდე და ყველამ ჩვენ ჩვენი წვლილი შევიტანოთ სუფთა ქვეყნის ქონაში. მინდა, შენს უბანში, ტყეში ან თუნდაც საკუთარ ეზოში, მოძებნო დასალაგებელი და დაალაგო. გააკეთე სიკეთე და გაუზიარე სხვას. მეც დიდი მოლოდინით დაველოდები ყველას გაზიარებულს.